Mësimi Gjatë Gjithë Jetës
Në një botë që po ndryshon me ritme marramendëse, nevoja për të mësuar nuk ndalet kurrë. Shpesh mendojmë për arsimin si diçka që ndodh në fëmijëri ose në rini – por e vërteta është që mësimi duhet të jetë një mundësi gjatë gjithë jetës. Për shumë të rritur, rikthimi në arsim nuk është vetëm një dëshirë personale, por një domosdoshmëri për të përballuar sfidat e tregut të punës, për të rimarrë kontrollin mbi jetën e tyre, ose për të përmbushur ëndrra të lëna pezull.
Pengesat që përballen të rriturit në arsim
Të rriturit që kërkojnë të arsimohen shpesh përballen me sfida që shkojnë përtej mungesës së kohës. Shumë prej tyre ndihen të pasigurt për shkak të mungesës së përvojës me teknologjinë, frikës së gjykimit, ose stresit të përgjegjësive familjare dhe ekonomike. Por gjithashtu, mungesa e strukturave të përshtatshme për ta dhe mosqasja në programe fleksibël, i lë shumë jashtë sistemit arsimor.
Përfitimet e jashtëzakonshme të arsimit për të rriturit
Kur një i rritur zgjedh të kthehet në arsim, përfitimet nuk janë vetëm individuale – ato reflektohen në familjen dhe komunitetin e tij. Një prind më i edukuar ka më shumë gjasa të mbështesë edukimin e fëmijëve të tij. Një punëtor i trajnuar ka më shumë mundësi të mbajë një vend pune dhe të kontribuojë në ekonominë lokale. Arsimi për të rritur është një investim me kthim të shumëfishtë.
Roli i FOVEO
Në FOVEO, ne besojmë se çdo njeri ka të drejtën të mësojë, pavarësisht moshës, origjinës apo sfidave me të cilat përballet. Prandaj punojmë për të krijuar mundësi konkrete për të rriturit, nëpërmjet trajnimeve, qasjeve gjithëpërfshirëse dhe bashkëpunimeve me komunitetet lokale.
Ne jemi këtu për të treguar se nuk është kurrë vonë për të filluar nga e para, për të mësuar diçka të re, për të ndërtuar një jetë më të mirë.
Learning has no expiration date. Learning is a right and a source of empowerment. Let’s treat it as such. If you believe in a fairer and more equal society, where everyone has access to equal opportunities to learn and progress – join FOVEO.
